DİN Qaxda “Diqqət, uşaqlar!” yol hərəkəti qaydaları izah olundu

📍Azərbaycan Respublikasının Daxili İşlər Nazirliyi tərəfindən keçirilən “Diqqət, uşaqlar!” aylığı çərçivəsində Qax Rayon Polis Şöbəsinin Dövlət Yol Polisi Bölməsinin əməkdaşları şəhər 3 nömrəli orta məktəbdə maarifləndirici görüş keçiriblər.



Tədbirin məqsədi uşaqlara yol hərəkəti qaydalarını öyrətmək, təhlükəsiz davranış vərdişləri aşılamaq və yol-nəqliyyat hadisələrinin qarşısını almağa yönəlib. Görüş zamanı məktəblilərə piyada keçidlərindən düzgün istifadə, işıqforun siqnallarına əməl etmə və digər vacib qaydalar izah edilib.



Ulusum.az xəbər verir ki, maarifləndirmə tədbirləri çərçivəsində azyaşlılara vizual materiallar da nümayiş olunub, suallar cavablandırılıb. Bu cür görüşlərin mütəmadi keçirilməsi nəzərdə tutulur.



Ulusum.az