Bakıda kişi keçmiş arvadını öldürməyə cəhd etdi – Məhkəmə hökm verdi

Hövsanda məktəbin qarşısında baş verən hadisə üzrə təqsirləndirilən Əfqan Atakişiyevin məhkəmə prosesi yekunlaşıb.

Ulusum.az xəbər verir ki, Bakının Suraxanı rayonunda keçmiş həyat yoldaşını öldürməyə cəhd etməkdə ittiham olunan 1969-cu il təvəllüdlü Əfqan Atakişiyevin məhkəməsi başa çatıb.

Hadisə bu il, fevralın 10-da Hövsan qəsəbəsindəki 270 nömrəli məktəbin qarşısında baş verib.

Ə. Atakişiyev həmin gün saat 11 radələrində məktəbin qarşısına gələrək orada xadimə işləyən keçmiş arvadı Gülsəadət Həmidova ilə görüşüb.

Söhbət zamanı birgə yaşadıqları illərdə keçmiş həyat yoldaşının onun və övladlarının ehtiyaclarına xərclədiyi pulları geri tələb edib.

Qadının imtinası ilə qarşılaşdıqda qəzəblənərək qisas alacağını deyib və ərazidən uzaqlaşıb.

O, yaxınlıqda yerləşən kirayə yaşadığı evə gedərək özünə məxsus kəsici aləti (“rezak”) götürüb və məktəbin qarşısına qayıdıb. Əfqan Atakişiyev keçmiş arvadının işdən çıxmasını gözləyib və ona hücum etməyə cəhd edib.

Məhkəmə hadisə ilə bağlı qərarını verib.