Sabiq MTN generalının müsadirə olunan mənzili satışa çıxarılıb

Teleqraf.com-un əldə etdiyi məlumata görə, Ulusum.az xəbər verir ki, sözügedən mənzil Bakı şəhəri Nəsimi rayonu, Akademik Mirəli Qaşqay küçəsində yerləşən yeni tikilidədir. Ümumi sahəsi 200 kvadratmetr olan mənzil ilkin olaraq 517.000 manata təklif edilsə də, qiymət sonradan 362.000 manata endirilib.

Qeyd edək ki, Elçin Quliyevə bu mənzil 2005-ci ildə dövlət tərəfindən verilib. Həmin dövrdə onun müavini olmuş polkovnik İlqar Əliyev də eyni binada mənzillə təmin olunub.

Xatırladaq ki, Elçin Quliyev 2015-ci ildə saxlanılıb və 2017-ci ilin noyabrında külli miqdarda rüşvət alma, hədə-qorxu ilə tələb etmə, quldurluq, qanunsuz azadlıqdan məhrum etmə və digər ağır cinayətlərdə təqsirli bilinərək 10 il 6 ay azadlıqdan məhrum edilib.

Eldar Mahmudov vəzifədən azad ediləndən sonra MTN-də baş verən olaylar fonunda Elçin Quliyev Nazirliyin Akademiyasına kafedra rəisi təyin edilmişdi.

Onun müavini İlqar Əliyev isə həbs olunub və daha sonra həbsdə ölüb. Məhz bundan sonra Elçin Quliyev cinayət işi üzrə təqsirləndirilən şəxs qismində məsuliyyətə cəlb olunub.

R.D