Müğənni Zamiq Hüseynov əməkdar artist Cabir İmanovun ölümü ilə bağlı paylaşım edib

Tanınmış aktyor, Əməkdar artist Cabir İmanov 29 sentyabr 2025-ci il tarixində, 49 yaşında dünyasını dəyişib. O, idman zalında qəfil infarkt keçirib. Həkimlərin səylərinə baxmayaraq, aktyorun həyatını xilas etmək mümkün olmayıb.

TƏBİB-in məlumatına görə, saat 13:38-də Səbail rayonu, Üzeyir Hacıbəyli küçəsindən Cabir İmanovun halının pisləşməsi (yıxılma) səbəbilə təcili yardım çağırışı daxil olub. Saat 13:50-də isə təcili tibbi yardım briqadası onun həkiməqədər ölümünü qeydə alıb.

Müğənni Zamiq Hüseynov isə bildirib ki, onlar sonuncu dəfə bir gün əvvəl toyda bir yerdə olublar:
“Dünən toyda biryerdə idik. Qucaqlaş, öp, bağrına bas, rəqs et... Sən demə, sonuncu dəfə imiş. Çox heyif! Yaxşı insan, gözəl dost. Vaxtsız getdin. Məkanın cənnət olsun, dostum.”

R.Daşdəmirova
Ulusum.az