ÜST-dən sensasiyalı AÇIQLAMA - EKSKLÜZİV

ÜST dəhşətli bir ehtimalı təsdiqlədi: həkimlər COVID-19-u səhv müalicə ediblər.

Ümumdünya Səhiyyə Təşkilatının ekspertləri 2020-2023-cü illərdə COVID-19 ilə xəstəxanaya yerləşdirilən xəstələrlə bağlı qlobal məlumatları təhlil ediblər. Və şok nəticə əldə etdiklərini açıqlayıblar.

Məlum olub ki, onların böyük əksəriyyətinə heç bir göstəriş olmadan “qayğıkeş” həkimlər tərəfindən antibakterial terapiya təyin edilib. Antibiotiklərdən hədsiz istifadə dünya üzrə antibiotik müqavimətinin yayılması ehtimalını artırıb.

Ulusum.az saytı xəbər verir ki, 2020-ci ildən 2023-cü ilə qədər koronavirus infeksiyası səbəbindən xəstəxanaya yerləşdirilən 65 ölkədən 450 min nəfərin xəstəlik tarixçəsi toplanıb. Daha sonra həkimlər müalicə üsulları və nəticələri haqqında fəal şəkildə məlumat mübadiləsi aparıblar.
Bu məqsədlə, onlar COVID-19 haqqında Klinik Məlumatların Qeydiyyatı üçün Qlobal Platforma da yaradıblar. Sonra əldə edilən materiallar sistemləşdirilib və təhlil edilib.
Araşdırmaların yekun nəticələri Avropa Klinik Mikrobiologiya və Yoluxucu Xəstəliklər Konqresinə təqdim olunub.


Sözügedən araşdırmaların nəticəsi ümumilikdə karantin dövründə aparılan müalicələri sual altında qoyur.
Rəşad Ələkbərov