ABŞ “Azadlıq” radiosunu maliyyələşdirməyi dayandırır

Media korporasiyası "Azad Avropa Radiosu/Azadlıq Radiosu" (RSE/RS) ABŞ hökumətinin qrant maliyyələşməsinin erkən dayandırılması barədə bildiriş aldığını təsdiqləyib. Bu barədə korporasiyanın prezidenti Stiven Kapus məlumat verərək, bu qərarı "Amerikaya qarşı olanların hədiyyəsi" adlandırıb.

“Ulusum”.az-ın Gazeta.ru-ya istinadən verdiyi xəbərə görə, bu məlumat media korporasiyasının rəsmi saytında yayımlanıb.

Qərar ABŞ prezidenti Donald Trampın 14 mart tarixli fərmanı ilə əlaqəlidir. Fərman, RSE/RS və "Amerika Səsinin" fəaliyyətini idarə edən Qlobal Media Agentliyinin (USAGM) fəaliyyətini azaldılmasını əmr edir. Fərman çərçivəsində USAGM media korporasiyasına, daha əvvəl Konqres tərəfindən təsdiqlənmiş müqavilənin ləğv edilməsi barədə məktub göndərib.