Britaniya Rusiyadan şərtsiz atəşkəs tələb edir

Böyük Britaniyanın xarici işlər naziri Devid Lammi Rusiyadan Ukrayna ilə ilkin şərt olmadan atəşkəslə razılaşmağı tələb edib.

“Ulusum”.az Daily Mail-ə istinadən xəbər verir ki, o, bunu Kanadada keçirilən G7 sammitində bildirib.

“Düşünürəm ki, indi qeyd-şərtsiz atəşkəs zamanı birlik var. Ukrayna öz mövqeyini açıqlayıb. İndi Rusiya bunu qəbul etməlidir”, - Lammi bildirib.

Lammi, G7 ölkələrinin liderlərinin Rusiya prezidenti Vladimir Putinin “oyun qaydalarını dəyişdirməsinə” icazə verilməməsi barədə yekdil fikirdə olduğunu da əlavə edib. Onun sözlərinə görə, beynəlxalq birlik, sülhün bərqərar olması üçün bu mövqeyini qorumaqda israrlıdır.