Pezeşkian: Trampın Zelenskiyə davranışları insanı utandırır

Təhranda keçirilən bir tədbirdə çıxış edən İran prezidenti Məsud Pezeşkian, ABŞ Prezidenti Donald Trampın dünya siyasətindəki təzyiq və hədələrini sərt şəkildə tənqid edib.

“Ulusum”.az "Hurriyet" portalına istinadən xəbər verir ki, o, xüsusilə Trampın Ukrayna Prezidenti Volodimir Zelenskiy ilə olan münasibətlərinə diqqət çəkib. Pezeşkiyan bildirib ki, Trampın Zelenskiyə davranışları insanı utandırır, çünki o, həmişə təzyiq göstərərək digər ölkələri öz iradəsinə tabe etməyə çalışır.

Pezeşkiyan Trampın hədələyərək müzakirələrə çağırmasından da bəhs edib. Onun sözlərinə görə, Trampın yanaşması "Biz əmr edirik, siz bunu edəcəksiniz, yoxsa problem çıxararam" kimidir. Bu cür təzyiq və hədələrlə müzakirələrin məntiqi olmadığını qeyd edən Pezeşkiyan, hədələr qarşısında heç bir şəxs və ya dövlətin konstruktiv şəkildə münasibət qurmaq istəməyəcəyini vurğulayıb. O, Trampın belə davranışlarına qarşı sərt bir mövqe nümayiş etdirərək, "Hədələyirsinizsə, mən müzakirəyə gəlmirəm. Gedin və istədiyinizi edin", deyə bildirib.

Rəxşəndə İkramlı