ABŞ silahlarının əsas alıcısı məlum oldu

ABŞ-ın silahlarını əsas alıcıları arasında Yaxın Şərq deyil, ilk dəfə 20 il ərzində Avropa yer alıb.

“Ulusum”.az xəbər verir ki, bu barədə Financial Times qəzeti Stokholm Sülh Araşdırmaları İnstitutunun (SIPRI) məlumatlarına istinadən xəbər verib.

Eyni zamanda, ABŞ-ın silahlarının ən böyük alıcısı Səudiyyə Ərəbistanı olub.

FT-nin məlumatlarına görə, 2020-2024-cü illər arasında Ukraynadakı silahlı münaqişə fonunda Avropa ölkələrinin ABŞ-dan silah idxalı son beş ildən iki dəfə çox artıb.

Həmçinin qeyd olunur ki, 2015-2019-cu illər arasında ABŞ-ın Avropa ölkələrinin hərbi idxalındakı payı 52%-dən 64%-ə yüksəlib.