Hesabat: Ukrayna dünyanın ən böyük silah idxalçısı oldu

Ukrayna, Hindistan, Pakistan və Fars körfəzi ölkələrini geridə qoyaraq, dünyanın ən böyük silah və hərbi texnika idxalçısı mövqeyini tutub.

“Ulusum”.az-ın məlumatına görə, bu göstəricilər Stokholm Beynəlxalq Sülh Araşdırmaları İnstitutunun (SIPRI) yeni hesabatında yer alıb.

Hesabatda, ABŞ-ın qlobal silah bazarındakı payının 43%-ə çatdığı bildirilib. SIPRI-nin məlumatlarına görə, ABŞ silah bazarındakı üstünlüyünü artırmağa davam edir. Ancaq Rusiyanın silah bazarına təsiri də diqqət çəkib. Rosoboroneksport bildirib ki, SIPRI-nin Rusiya silahlarına dair məlumatları tam deyil və əslində dünya bazarında Rusiyaya olan maraq yüksək səviyyədədir.

Bu məlumatlar, silah ticarətində yeni meylləri və dövlətlərin hərbi ehtiyaclarını aydınlaşdıran mühüm göstəricilərdən biridir.