Kanadanın hakim partiyasının yeni lideri müəyyənləşdi

Mark Karni Kanada hökumətinin hakim Liberal Partiyasının yeni lideri seçilib və ölkənin növbəti baş naziri olacaq.

“Ulusum”.az xəbər verir ki, bu, partiya daxilində keçirilən seçkilərin nəticəsidir, burada o, partiyanın üzvlərinin 86%-inin səsini toplayıb. Konqresin yayımını CBC telekanalı həyata keçirib.

Partiyanın toplantısında verilən məlumatlara görə, Kristia Friland yalnız 8% səs toplayıb. Onun rəqibləri Karina Quld və Liberal deputat Frenk Beylis isə təxminən 3% səs əldə ediblər.

Karni baş nazir vəzifəsini yalnız o zaman icra etməyə başlayacaq ki, Castin Trüdo Kanada general-qubernatoru Məry Simon'a rəsmi şəkildə istefa ərizəsini təqdim etsin. Bu, yaxın günlərdə baş verə bilər.