Suriyada 745 mülki şəxsin həlak olduğu bildirilir

Suriyanın Lataqiya və Tartus vilayətlərində vəziyyətin gərginləşməsi zamanı 745 mülki şəxs həlak olub.

“Ulusum”.az xəbər verir ki, bu barədə qərbyönlü Suriya İnsan Hüquqları Observatoriyası (SOHR, qeyri-hökumət təşkilatı) məlumat verir. Onların məlumatına görə, ümumi tələfat sayı 1018 nəfərə çatıb.

İnsan itkisi sayı, silahlı qrupların Suriya təhlükəsizlik qüvvələri və Müdafiə Nazirliyinin formasiya və qüvvələrini dəstəkləməyə başlamasından sonra artıb, - deyə məlumatda bildirilir.

Həmçinin təşkilatın nümayəndələri 125 təhlükəsizlik qüvvələri və onlara müttəfiq olan şəxslərin öldüyünü açıqlayıb. Onlardan 93-ü suriyalı, 148-i isə yeni hökumətə qarşı çıxan şəxslərdir.

Bundan əlavə, SOHR bir neçə dəfə öz nüfuzunu sarsıdıb. 2006-cı ildən bəri Suriya Ərəb Respublikası (SAR) sabiq Prezidenti Bəşar Əsədi ləkələmək məqsədilə məlumatlar yayırdı.

Suriya ərazisindəki döyüşlər, Suriya təhlükəsizlik qüvvələri ilə Dəməşqdəki yeni hökumətə qarşı çıxan silahlı qruplar arasında baş verib. Təhlükəli ərazilərdə komendant saatı tətbiq olunub.