Florida hava limanları bağlanıb

Florida ştatındakı hava limanları müvəqqəti bağlanıb.

“Ulusum”.az xəbər verir ki, bunu CBS News Miami telekanalı ABŞ-ın Federal Mülki Aviasiya İdarəsinin (FAA) nümayəndələrinə istinadən məlumat yayıb. Səbəb, iş adamı Elon Musk-ın SpaceX şirkəti tərəfindən kosmik gəmi Starship-in prototipinin uğursuz sınaqdan keçirilməsi olub.

Hava sahəsinin bağlanması Şərqi Sahil vaxtı ilə saat 18:42-də qeydə alınıb. Təxminən uçuş qadağasının saat 20:00-a qədər davam edəcəyi gözlənilir.

Rəsmi səbəb olaraq «kosmik buraxılışla bağlı insident» göstərilib. Eyni bildiriş Fort-Lauderdale hava limanına, Orlandodakı və Palm-Biçdəki hava limanlarına da göndərilib.