Tramp NATO-nun əsas prinsipindən imtina edə bilər

ABŞ Prezidenti Donald Tramp, NATO üzvü olan və üzərinə hücum edilən ölkələri müdafiə etməmək qərarına gələ bilər.

“Ulusum”.az xəbər verir ki, bu barədə NBC News, ABŞ administrasiyasındakı mənbələrə istinadən məlumat yayıb. Bu, yalnız həmin ölkə müdafiə xərcləri üzrə öz öhdəliklərini yerinə yetirmədikdə baş verəcək. Tramp, ABŞ-ın Şimali Atlantika Müqaviləsi Təşkilatında (NATO) iştirakına dair müvafiq dəyişikliklər etməyi planlaşdırır.

Əgər Tramp bu dəyişiklikləri həyata keçirsə, bu, NATO-nun əsas prinsiplərindən biri olan 5-ci Maddə ilə bağlı böyük bir geri addım olacaq. Bu maddə, NATO üzvü olan hər hansı bir ölkəyə edilən hücumun bütün üzv ölkələrə qarşı edilən hücum sayılacağını bildirir.