Deputatlar arasında əlbəyaxa dava düşüb

Associated Press xəbər verir ki, çərşənbə axşamı Serbiya Respublikası Milli Assambleyasının sessiyası deputatlar arasında davaya çevrilib.

“Ulusum”.az "İnterfaks"-a istinadən xəbər verir ki, müxalifət deputatları iclası yarımçıq qoymağa cəhd edərək tüstülü bombalar atmağa başlayıblar, bundan sonra iclas iştirakçıları arasında dava düşüb. Ən azı üç nəfər yaralanıb.

Agentlik qeyd edir ki, çərşənbə axşamı parlamentdə ali təhsilə ayrılan vəsaitin artırılmasını nəzərdə tutan qanun layihəsinə baxılması planlaşdırılırdı. Lakin müxalifət sessiyanı qeyri-qanuni hesab edib və əvvəlcə baş nazir Miloş Vuçeviçin istefasının təsdiqlənməsi üçün səsvermənin keçirilməsini tələb edib.