Trüdo Trampın qərarını "böyük axmaqlıq" adlandırıb

Kanadanın baş naziri Castin Trüdo, ABŞ prezidenti Donald Trampın Kanadaya 25% rüsum tətbiq etməsini böyük bir "axmaqlıq" kimi qiymətləndirib.

“Ulusum”.az xəbər verir ki, brifinqdə Trüdo, Kanadanın cavab tədbirlərini tətbiq etdiyini və bu tədbirlərin Birləşmiş Ştatlar bu addımı geri götürənə qədər qüvvədə qalacağını xatırladıb. O, həmçinin birbaşa Trampa müraciət edərək, "Donald, birlikdə keçirdiyimiz səkkiz ildən artıq müddət ərzində çox böyük işlər gördük... amma bu, çox axmaqlıqdır" deyib.

Baş nazir, yaxın zamanda Trampla vəziyyəti müzakirə etməyi planlaşdırdığını da qeyd edib və Kanada heç vaxt ABŞ-ın 51-ci ştatı olmayacağını vurğulayıb.