ABŞ Ukraynaya hərbi yardımı bərpa etməyə şərtlidir

"ABŞ, Ukraynaya hərbi yardımın bərpasını mümkünsüz saymır, lakin bunun şərti olaraq Kiyev münaqişənin həlli ilə bağlı danışıqlara başlamağı qəbul etməlidir".

Bu barədə ABŞ-ın vitse-prezidenti Cey Di Vens, jurnalistlərə bildirib, “Ulusum”.az xəbər verir.

Mətbuat nümayəndələri siyasətçidən Kiyevə hərbi yardımın dayandırılmasının nə qədər davam edəcəyini soruşublar.

“Prezident [ABŞ Donald Tramp] açıq şəkildə bildirib ki, o, ukraynalıların danışıqlar masasına oturmasını istəyir. Məncə, ukraynalılar danışıqlara başlasalar, hər şey nəzərdən keçiriləcək”, — deyə Vens bildirib.