Gürcüstanın sabiq prezidenti mitinqdə görünüb

Gürcüstanın sabiq prezidenti Salome Zurabişvili Tiflisdə keçirilən etiraz aksiyalarında yenidən iştirak edib. O, çıxışında müxalifəti birliyə və həmrəyliyə çağırıb və bildirib ki, ölkənin taleyi uğrunda birgə mübarizə aparmağa hazırdır. Bu barədə 1tv.ge məlumat yayıb.

“Əgər məndən ambisiyamı soruşsanız, cavabım sadədir – ölkəni birlikdə xilas etmək. Əgər biz bir olsaq, hakimiyyət heç nə edə bilməz”, – deyə Zurabişvili bildirib.

Hazırda Gürcüstanda aksiyalar parlament seçkilərinin yenidən keçirilməsi tələbi ilə davam edir. Etirazlar baş nazir İrakli Kobaxidzenin 2024-cü ilin 28 noyabrında Gürcüstanın Avropa İttifaqına üzvlük danışıqlarını 2028-ci ilə qədər təxirə saldığını açıqlamasından sonra alovlanıb.

Ulusum.az