Məşhəd Aeroportu bombalandı

İsrailin İrana yönəltdiyi hərbi hava hücumları daha da şiddətlənib. Son hədəf – İranın şimal-şərqində yerləşən Məşhəd şəhərindəki “Şəhid Haşeminejad” Beynəlxalq Aeroportudur. Yerli mediaya görə, uçuş-eniş zolaqları bombalanıb, yanacaq daşıyan təyyarə məhv edilib.

Bununla paralel, Tehrandakı bir sıra strateji obyektlər də raket atəşinə tutulub. Zərbələr nəticəsində İran ordusunun yüksək komandanlığı ciddi itkilər verib: Silahlı Qüvvələrin Baş Qərargah rəisi Məhəmməd Baqeri, SEPAH baş komandanı Hüseyn Salami, Xatəm Əl-Ənbiya komandanı Qulaməli Rəşid, Hərbi Hava Qüvvələri komandanı Əmir Əli Hacızadə, həmçinin 9 nüvə alimi və digər rəsmi şəxslərin öldüyü bildirilir.

Ulusum.az