Dəməşq–Hələb xətti açıq, qalan uçuşlar ləğv olundu – Suriya səması bağlıdır

Suriya üzərindəki hava məkanının 14 iyun saat 08:00-a qədər bağlı qalacağı bildirilib.

Bu barədə RİA Novosti Suriya Mülki Aviasiya və Hava Nəqliyyatı İdarəsinə istinadla məlumat yayıb.

"Mülki aviasiya uçuşlarının təhlükəsizliyini təmin etmək məqsədilə Suriya üzərindəki hava dəhlizləri 14 iyun saat 08:00-a qədər bağlı qalacaq", – deyə açıqlamada bildirilir.

Qeyd olunur ki, ölkədaxili Dəməşq–Hələb marşrutu fəaliyyət göstərir, çünki bu xətt potensial təhdidlərdən uzaqdır.

“Suriya Hava Yolları” isə bütün reyslərini növbəti xəbərdarlığa qədər dayandırdığını elan edib.

Ulusum.az