“Tanrının influenseri” Karlo Akutis XXI əsrin ilk müqəddəsi elan edilir

Leykozdan vəfat edən italyan yeniyetmə Karlo Akutis müqəddəslər sırasına daxil ediləcək. CNN xəbər verir ki, o, XXI əsrdə yaşamış ilk müqəddəs olacaq. Roma Papası Karlo Akutisin kanonizasiya mərasiməsinin 2025-ci il sentyabrın 7-də keçiriləcəyini elan edib.

Karlo Akutis 2006-cı ildə 15 yaşında leykozdan vəfat edib. Hələ həyatda olarkən o, möcüzələrin sənədləşdirilməsinə həsr olunmuş bir vebsayt yaratmış və dindarlığı sayəsində gənc katoliklər arasında məşhurluq qazanmışdı. O, qeyri-rəsmi olaraq “Tanrının influenseri” adlandırılır.

Katolik qaydalarına görə, müqəddəs elan olunmaq üçün namizədin duası ilə baş vermiş iki möcüzənin tanınması tələb olunur. Akutis halında bu möcüzələr — anadangəlmə xəstəliyi olan braziliyalı bir oğlan uşağının sağalması və başından ağır xəsarət almış bir qızın möcüzəvi şəkildə sağalması kimi qeydə alınıb.

Akutislə yanaşı, sentyabr ayında 1925-ci ildə 24 yaşında vəfat etmiş Pyer Corco Frassatti də müqəddəslər sırasına daxil ediləcək.

Eyni zamanda, Papa Fransiskin ölümündən sonra katolik dünyasında onun da müqəddəs elan olunması ilə bağlı fikirlər səsləndirilməyə başlanıb. Vatikan üzrə ekspert Aleksey Yudin qeyd edir ki, Fransiskin sadə həyat tərzi və papa hakimiyyətinin klassik atributlarından imtina etməsi bir çox inanclı insanın rəğbətini qazanıb. Onun sözlərinə görə, bu qeyri-adi həyat tərzi zamanla xalq arasında müqəddəslik şöhrətinin əsasına çevrilə bilər.

Ulusum.az