Rusiyadan nüvə müharibəsi ilə bağlı narahatedici açıqlama: “İkinci Qarabağ ssenarisi”

Rusiya Prezidentinin köməkçisi Vladimir Medinski, 9 iyun tarixində Russia Today kanalına verdiyi müsahibədə, Ukrayna münaqişəsinin sülh sazişi olmadan dayandırılmasının, NATO-nun dəstəyi ilə Ukraynanın Rusiyanın nəzarətində olan əraziləri geri almağa çalışacağı və nəticədə nüvə müharibəsinin baş verə biləcəyi ilə nəticələnə biləcəyini bildirib.

O, bu vəziyyəti Ermənistan-Azərbaycan münaqişəsi ilə müqayisə edərək, Qarabağı mübahisəli ərazi kimi təqdim edib. Bu bəyanat, Azərbaycanın ərazi bütövlüyünü tanıyan beynəlxalq hüquq normalarına ziddir və siyasi səriştəsizlik kimi qiymətləndirilə bilər.
Medinskinin açıqlamaları, Rusiya tərəfindən nüvə müharibəsi təhlükəsinin artırılması və beynəlxalq ictimaiyyətə təzyiq göstərilməsi cəhdi kimi dəyərləndirilir.

Ulusum.az