İstanbul razılaşması işə düşdü: Rus və Ukrayna əsirləri mübadilə edildi

Rusiya Müdafiə Nazirliyi bəyan edib ki, 25 yaşadək olan ilk qrup rus hərbçiləri İstanbulda əldə olunan razılaşmalar əsasında Rusiyaya qaytarılıb. Mübadilə olunan hərbçilərin sayı açıqlanmayıb.

Nazirliyin bəyanatında deyilir:

“25 yaşa qədər olan ilk qrup Rusiya hərbçisi geri qaytarılıb. Əvəzində, eyni sayda Ukrayna Silahlı Qüvvələrinin əsiri təhvil verilib.” Qeyd olunub ki, rus hərbçiləri artıq Belarusdadır.

Ukrayna Prezidenti Volodimir Zelenski isə ikinci böyük mübadilənin başlandığını təsdiqləyib:

“Bu gün mübadilə başladı və növbəti günlərdə bir neçə mərhələdə davam edəcək. Hazırda geri qaytarılanlar arasında yaralı və ağır yaralılar, eləcə də 25 yaşdan aşağı şəxslər var. Proses kifayət qədər mürəkkəbdir, çoxlu həssas detallar var, danışıqlar demək olar ki, hər gün davam edir.”

Ulusum.az