Kadırov oğlunu varis elan etdi – Kreml razı deyil - FOTO

Ramzan Kadırov öz oğlu Adamı gələcəkdə Çeçenistanın lideri kimi önə çıxarır – bu barədə The Times yazır. Kadırovun oğulları arasında üçüncü olsa da, məhz Adamın "seçilmiş varis" olduğu bildirilir. O, bu yaxınlarda Çeçenistan Təhlükəsizlik Şurasının katibi vəzifəsinə təyin olunub.

48 yaşlı Kadırovun səhhətinin pisləşməsi fonunda onun mümkün istefası ilə bağlı imalar artıq yayılıb. Bu da hakimiyyətin ötürülməsi ilə bağlı şayiələri artırıb. Al Jazeeranın məlumatına görə, Kadırov may ayında bu ideyanı Vladimir Putinlə müzakirə edib, lakin rədd cavabı alıb.



Praqadakı Karl Universitetinin eksperti Emil Aslan hesab edir ki, Kadırov tezliklə gedəcək, lakin Kreml onun oğlunun respublikanın başına keçməsinə icazə verməyəcək:

“Moskva Kadırovlar klanına qarşı deyil, amma onun əsas prioriteti sabitlikdir. Adam isə bunu təmin edə biləcək biri deyil.”

Ulusum.az