“Moskvanın gözəlliyi məni heyrətləndirdi” – İlon Maskın atası ilk dəfə Rusiyada

Amerikalı milyarder İlon Maskın atası, iş adamı və qiymətli daşlarla ticarət edən Errol Mask Moskvada gördüklərindən təsirləndiyini bildirib.

Errol Mask Moskvanın təmizliyini, gözəl yollarını və memarlığını tərifləyərək belə deyib:

“Gözlərimə inana bilmirəm. Moskvanın böyüklüyü və gözəlliyi məni heyrətləndirdi. Burada hər şey antik Roma abidələrini xatırladır. Bura bir dahinin dizaynıdır!”

O, həmçinin şəhərdə qadın və uşaqların qorxmadan gəzdiyini qeyd edərək, dünyanın Moskva haqqında daha çox bilməli olduğunu bildirib.

Errol Mask 8 iyun tarixində Moskvaya “Gələcəyin Forumu 2050” tədbirində spiker qismində iştirak etmək üçün gəlib. Forum 9–10 iyun tarixlərində keçiriləcək.

Ulusum.az