Pravoslav xristianlar əsas bayramlardan birini qeyd edirlər

Pravoslav xristianları 2025-ci ildə 29 may tarixində İsa Məsihin Göyə Ucalması bayramını qeyd edirlər. Bu, Pasxadan 40 gün sonra baş tutan və “İki Onikilik Bayram”lardan biri sayılan müqəddəs gündür.

Yeni Əhdi-Cədidə görə, İsa Məsih çarmıxa çəkildikdən və dirildikdən sonra 40-cı gün Yerusəlim yaxınlığındakı Zeytun dağından şagirdlərinin gözü qarşısında göyə ucalaraq Allahın sağ tərəfində yer aldı. Bundan öncə o, onlara öz yaralarını göstərərək canlı olduğunu sübut etmiş, birlikdə çörək bölmüşdü.

10 gün sonra isə İsa Məsihin şagirdlərinin üzərinə Müqəddəs Ruh endi və onlar müxtəlif dillərdə danışmağa başlayaraq xristianlığı yaymağa güc qazandılar.

Bu bayramda məbədlərə yaşıllıq, budaqlar və çiçəklər gətirilir, ikonalar bəzədilir – bu isə yeni həyatın zəfəri və səmavi izzətin rəmzi sayılır. Eyni zamanda, yazın sonu və yayın başlanğıcı da xalq arasında bu gündə xüsusi hörmətlə yad edilir.

Ulusum.az