Tripolidə uğurlu hərbi əməliyyat: Liviya Müdafiə Nazirliyi sabitlik mesajı verir

Tripolidə yerləşən Milli Həmrəylik Hökumətinə tabe olan Liviya Müdafiə Nazirliyi, ölkə paytaxtında keçirilən hərbi əməliyyatın uğurla başa çatdığını elan edib. Bu barədə “Al Wasat” telekanalı məlumat yayıb.

Nazirliyin açıqlamasında vurğulanır ki, əməliyyatın məqsədi bölgədə davamlı təhlükəsizlik və sabitliyi təmin etmək olub.

Əməliyyatın detalları və nəticələri barədə əlavə məlumat verilməsə də, “Al Wasat”ın xəbərinə görə, ordu Tripolidə yerləşən Əbu-Səlim rayonuna tam nəzarəti ələ keçirib. Qeyd edək ki, bu ərazi daha əvvəl Prezident Şurası nəzdindəki Təhlükəsizlik və Sabitliyin Qorunması Aparatının rəhbəri olmuş və sonradan öldürülən Abdəlqani əl-Kikliyə sadiq qüvvələrin dayağı sayılırdı.

✍️"Ulusum".az