Yəməndə güclü partlayışlar – İsrail Hərbi Hava Qüvvələrindən cavab zərbəsi

İsrail Hərbi Hava Qüvvələri Yəmənin paytaxtı Sənada yerləşən beynəlxalq hava limanına və bir neçə mühüm obyektə aviazərbələr endirib.

Bunu İsrail ordusunun mətbuat xidməti təsdiqləyib.

Hücumların, husilərin İsrailə raket hücumlarına cavab olaraq həyata keçirildiyi bildirilib. Səna aeroportu tam sıradan çıxarılıb, təyyarələr, uçuş zolaqları və bir neçə elektrik stansiyası da zərbə alıb.

İsrail ordusu bildirir ki, bu addımlar husilərin hərbi və iqtisadi gücünü zəiflətməyə yönəlib və mülki əhaliyə zərər gəlməməsi üçün xüsusi tədbirlər görülüb.

✍️"Ulusum".az