Bəşəriyyət hara gedir? — Papa Fransisk niyə hücum silahlarını qeyri-əxlaqi adlandırdı?

Roma Papası Fransisk hücum xarakterli silahların və kütləvi qırğın silahlarının istehsalını qeyri-əxlaqi hesab edirdi. Bu barədə RIA Novosti məlumat yayıb.

Mərhum pontifik vurğulayırdı ki, aqressiv silahlara üstünlük verilməsi strateji səhvdir və bu səhvin nəticələri bəşəriyyətin gələcəyinə təsir edə bilər.

“Fikrimcə, hücum xarakterli silahların hər yerdə qadağan olunması vacibdir. Bu cür silahlar qeyri-əxlaqidir. Hər halda, kütləvi qırğın silahlarının istehsalı və istifadəsi yolverilməzdir — çünki onlar ilk növbədə dinc əhalini ölümlə və əzabla üz-üzə qoyur,” — deyə Fransisk bildirmişdi.

Mənbənin məlumatına görə, bu mövqe Papa ilə şəxsən əlaqədə olan Dünya Staroverlər İttifaqının sədri Leonid Sevastyanov tərəfindən açıqlanıb. Bildirilir ki, bu fikirlər pontifikin sağlığında müsahibə şəklində qeyd edilsə də, o vaxt dərc edilməmişdi.

✍️"Ulusum".az