Almaniyada siyasi dram sona çatdı – Mers çətinliklə də olsa kansler kürsüsünə oturdu

Almaniya Xristian-Demokrat İttifaqının (XDS) lideri Fridrix Mers Almaniyanın yeni kansleri seçilib. Səsvermənin canlı yayımı Bundestaqın rəsmi saytında təqdim olunub.

Bundestaqın sədri Yuliya Kleknerin açıqlamasına görə, Xristian Demokratların rəhbəri ikinci cəhdində deputatlardan 325 səs toplayıb.

Nəticələr elan edildikdən sonra Mers partiyadaşlarına dəstəyə görə təşəkkür edib və yanında dayanan bir neçə qadını öpüb. İlk səsvermədə isə Mers tələb olunan 316 səs əvəzinə cəmi 310 səs toplamışdı. Beləliklə, o, Almaniya tarixində koalisiya razılaşmalarına baxmayaraq, ilk turda uğursuz olan ilk hökumət rəhbəri kimi tarixə düşüb. XDS, Bavariya Xristian-Sosial İttifaqı (XSS) və Sosial Demokrat Partiyası (SDP) daxil olan koalisiya ona 328 səs təmin etməli idi.

✍️"Ulusum".az