Sima Acan – Kanadada seçilmiş ilk türk əsilli deputat oldu

30 aprel 2025-ci il tarixi Kanadadakı türklər üçün unudulmaz oldu. Mühəndis və sahibkar Sima Acan, Oakville West dairəsində keçirilən federal seçkilərdə qalib gələrək Kanadada parlamentə düşən ilk türk əsilli deputat kimi tarixə adını yazdırdı. O, Liberal Partiyanın namizədi kimi seçkilərə qatılıb və rəqibi, Mühafizəkar Tim Krouderi 52,64% səslə məğlub edib.

Ankarada dünyaya gələn Acan, 2003-cü ildə İşıq Universitetindən məzun olduqdan sonra 2007-ci ildən etibarən Kanadada yaşayır. İki uşaq anası olan Acan, mühəndislik və innovasiya sahəsində fəaliyyət göstərən robot texnologiyaları üzrə şirkətin rəhbəridir.

Yalnız peşəkar fəaliyyəti ilə deyil, eyni zamanda ictimai xidmətləri ilə də tanınır. O, Oakville Lions Club-un prezidenti olub, Royal Canadian Air Cadets və müxtəlif məktəb birliklərində könüllü fəaliyyət göstərib.

✍️"Ulusum".az