Ağadadaş Dadaşov - Atasını tanıyırdım, amma ailəsinin çörəksiz qaldığını bilmirdim

Ağadadaş Dadaşov kövrələrək işçisindən danışdı: “Gecənin bir aləmində insan taleyi mənə əmanət edildi"
Sənətkar kövrələrək işçisinin həyat hekayəsini paylaşdı


Tanınmış sənətkar Ağadadaş Dadaşov sosial şəbəkədə duyğusal bir hadisəni izləyiciləri ilə bölüşüb. O, hazırda yanında çalışan bir gəncin həyat hekayəsini danışarkən kövrəlib.

Dadaşovun sözlərinə görə, ulusum.az xəbər verir ki, gecənin bir vaxtı tanımadığı bir adam ona zəng edərək acınacaqlı vəziyyətlərini danışıb — ailəsinin çörəksiz qaldığını, çıxış yolu axtardıqlarını deyib. Sənətkar dərhal yardım etmək istəyib, lakin pul köçürmək qaydalarını bilmədiyindən köməkçisini evinə çağırıb və həmin şəxsin kartına maddi yardım göndərib.

Səhəri gün isə bu gənci tanımaq üçün onunla görüşüb və işlə təmin edib. Maraqlısı budur ki, Ağadadaş Dadaşov sonradan öyrənib ki, bu gəncin atası ilə tanış imiş. “Atasını yaxşı tanıyırdım. Amma ailəsinin belə ağır durumda olduğunu bilmirdim,” – deyə sənətkar bildirib.

Hazırda həmin şəxs Dadaşovun restoranında çalışır və ailəsi ilə birlikdə daha insani şəraitdə yaşayır. Bu hadisə sənətkarın insanlara olan həssas yanaşmasının və vicdanının bariz nümunəsi kimi dəyərləndirilib.
R.Daşdəmirova