Şouya deyil, ədalətə ehtiyac var

Bu kontekstdə bir daha şahid olduq ki, diqqət yenə də sənətə yox, şouya yönəlib.

Bəli, Röya Ayxan da bu xalqın sənətçisidir və onun da yeri var. Amma rəsmi, hərbi liseydə keçirilən tədbirə sport geyimində qatılmağı normal qarşılayan dövlət nümayəndələri həmin tədbiri elə stadionda keçirsəydilər, daha uyğun olardı. Məkanın və mövzunun ciddiliyi unudulmamalı idi.

Mən heç kimdən qorxmuram. Vətənini sevən, ona sadiq bir vətəndaş kimi fikrimi açıq deyirəm.

Ulusum.az “Könül Dəftərim” sənədli filminin müəllifləri – heç bir maddi dəstək olmadan, şəxsi vəsaitlə, sadəcə vicdan borcuyla yaradıcı insanların həyatını sənədləşdiririk.

Məqsədimiz – bu insanları yaşadıqları dövrdə tanıtmaq, gənc nəslə örnək göstərmək və milli-mənəvi dəyərləri qorumaqdır.

Təəssüf ki, dövlət qurumlarına çıxış çətindir, televiziyalar isə yalnız tapşırıqla işləyir: “Nə deyilirsə, onu ver.” Biz isə qarşılıq gözləmədən çalışan vətəndaşlarıq.

Bəzən bir kiçik auditoriyada, heç bir təmtəraq olmadan filmimizi təqdim edirik – bu da bizim gerçəkliyimizdir. Amma susmuruq. Çünki inanırıq: gec-tez əməyə, zəhmətə və ədalətə dəyər veriləcək.

Ulusum.az /R.Daşdəmirova