Le Penə hökm çıxaran hakimlər təhdidlər almağa başlayıb

Fransada, "Milli Birlik" partiyasının lideri Marin Le Penə hökm verən hakimlərə qarşı gələn təhdidlər səbəbindən istintaq başladılıb.

“Ulusum”.az AFP-ə istinadən xəbər verir ki, kassasiya Məhkəməsinin Baş Prokuroru Rəmi Eytz, hakimlərə qarşı «şəxsi hücumları» qəbuledilməz adlandırıb.

O, təhdidlərini dayandırmaq istəməyənlərə cinayət məsuliyyəti ilə hədələyib. Le Penin işi üzrə hökmü çıxaran məhkəmənin başçısına şəxsi mühafizə ayrılıb.

Paris Məhkəməsi Marin Le Pen və onun partiyasının bir neçə deputatını Avropa Parlamentinin vəsaitlərinin mənimsənilməsində günahkar hesab edib. Məhkəmə, Le Penin beş il müddətinə seçki hüququndan məhrum edilməsinə və iki il müddətinə elektron qolbaqla ev həbsinə və 100 min avro cərimə tətbiq etməyə qərar verib. "Milli Birlik" partiyasına isə 1 milyon avro ödəmək məcburiyyəti qoyulub.