Ukrayna və ABŞ yeni sazişlə bağlı razılığa gəliblər

"28 martda Ukrayna Birləşmiş Ştatlardan nadir torpaq metalları ilə bağlı yeni sazişin mətni alıb. Sənəd üzərində işlər davam edir".

Bu barədə Ukraynanın Xarici İşlər Naziri Andrey Sibiga, Litva xarici işlər naziri Kyaustus Budris ilə birgə mətbuat konfransında məlumat verib.

“Ulusum”.az RBK Ukrayna-a istinadən xəbər verir.

«Xarici İşlər Nazirliyi 28 martda diplomatik kanallar vasitəsilə ABŞ tərəfdən mineral resurslarla bağlı sazişin yeni mətnini alıb. Məlum olduğu kimi, Ukrayna tərəfi əvvəllər hazırlanmış çərçivə sazişini imzalamağa hazır idi. İndi biz inkişaf etdirilməsi təklif olunan yeni mətni aldıq», — deyə Sibiga bildirib.

O, əlavə edib ki, Ukraynanın bu cür sənədlərlə bağlı öz qanunvericiliyi var. Buna görə də, daxili dövlət prosedurlarının başlaması üçün zəruri addımlar atılıb.

«Həmçinin, ABŞ tərəfi ilə sazişin mətni üzrə artıq məsləhətləşmələrə başladığımızı təsdiq edirəm. Bu məsləhətləşmələrdən artıq bir raund keçirilib. Ukrayna tərəfi sənədin imzalanmasına hazırdır, o sənəd ki, həm ABŞ-ın, həm də (Ukraynanın — red.) milli maraqlarına uyğun olacaq», — deyə nazir qeyd edib.

Onun sözlərinə görə, sazişin mətni, Amerikanın güclü biznesinin Ukraynada daha da genişlənməsini nəzərdə tutacaq və bu, Ukraynanın təhlükəsizlik infrastrukturuna da töhfə verəcək.

«Amerikanın biznesinin Ukraynada mövcudluğunun gücləndirilməsi həmişə vacibdir. Buna görə bu proses davam edəcək və biz ABŞ həmkarlarımızla qarşılıqlı qəbul edilən bir mətni imzalamaq üçün işləyəcəyik», — deyə nazir vurğulayıb.