Suriyada "Dəyişiklik Hökuməti" yaradıldı

Suriyanın müvəqqəti prezidenti Əhməd əl-Şaraa, yeni kabinetin formalaşması münasibətilə xalqı təbrik edərək, bu hökuməti "yaradıcılıq və dəyişiklik hökuməti" olaraq adlandırıb.

“Ulusum”.az xəbər verir ki, Qəsr əş-Şaab sarayında keçirilən mərasimdə çıxış edən Şaraa, ölkəsinin daha yaxşı gələcəyə doğru yeni bir tarixi dövrə qədəm qoyduğunu vurğulayıb.

O, həmçinin hökumətin yenidənqurma və islahatlar həyata keçirəcəyini elan edib və şəffaflıq, korrupsiyasız bir idarəetmə təmin edəcəyinə söz verib.

Yeni kabinetdə bəzi nazirliklərdə keçid hökumətinin nümayəndələri vəzifələrini qoruyub.