Zelenski Witkoffu "Başqa Planetin Adamı" adlandırıb

Ukrayna prezidenti Vladimir Zelenski, ABŞ prezidenti Donald Trampın xüsusi nümayəndəsi Steven Witkoff haqqında sərt fikirlərini paylaşaraq, onu "başqa planetin adamı" adlandırıb.

“Ulusum”.az xəbər verir ki, Zelenski bu sözləri Parisdə keçirdiyi mətbuat konfransında deyib, "European Pravda" nəşri isə onun açıqlamalarını sitat gətirib.

Zelenski, Witkoff-un biznes təcrübəsinə istinad edərək qeyd edib ki, daşınmaz əmlak sahəsində çalışan insanlar adətən belə suallar verirlər: "Pəncərədən necə görünür? Pəncərələr hansı tərəfə baxır? Neçə otaq var?" Ancaq Ukraynada daşınmaz əmlakla bağlı əsas sual fərqlidir: "Bu evdə bomba sığınacağı varmı?" – deyə Zelenski izah edib.

Prezident, bu fərqli yanaşmaların qınaq deyil, sadəcə "reallıqdakı fərqlər" olduğunu vurğulayıb. O, Ukraynanın "normal dünyada yaşamaq istədiyini" qeyd edərək, tərəflərin eyni mövzulara fərqli baxış açılarından yanaşdığını ifadə edib.