Tramp: Rusiyanın beş-altı şərti var, biz onlara baxırıq

ABŞ prezidenti Donald Tramp martın 25-də jurnalistlərlə keçirdiyi brifinqdə Qara dənizdə gəmiçiliyin təhlükəsizliyini təmin etmək üçün Rusiyanın təklif etdiyi şərtləri öyrəndiklərini açıqlayıb, “Ulusum”.az xarici mətbuata istinadən xəbər verir.

"Biz hər şeyi öyrənəcəyik, Rusiyanın beş-altı şərti var, biz onlara baxırıq," - deyə Tramp bildirib.

Moskva isə ABŞ-la aparılan ekspert məsləhətləşmələrindən sonra bəyanat yayıb. Bəyanatda ABŞ-ın Rusiyanın kənd təsərrüfatı və gübrə ixracının dünya bazarına çıxışını bərpa etməsi, dəniz sığortasının qiymətini azaltması, limanlar və ödəniş sistemlərinə daha geniş çıxış imkanı təmin etməsi gözlənilir.