Londonun "Heathrow" hava limanı yanğın səbəbindən bağlanıb

Londonun Heathrow aeroportunda elektrik təchizatında ciddi problemlər yaranıb,“Ulusum”.az xarici mətbuata istinadən xəbər verir.

Bu, təchizat stansiyasındakı yanğın səbəbindən baş verib.

Aeroportun mətbuat xidməti sosial şəbəkə X-də bildirib ki, bu səbəbdən hava limanı gecə yarısına qədər bağlanacaq.

"Aeroportun təhlükəsizliyini təmin etmək məqsədilə Heathrow hava limanı 21 mart saat 23:59-a qədər bağlanacaq. Sərnişinlərə hava limanına gəlməmələri və əlavə məlumat üçün öz aviakompaniyalarına müraciət etmələri tövsiyə olunur. Narahatçılığa görə üzr istəyirik," — deyə paylaşımda qeyd olunub.