The Times: Gövdədəki dəliklər Azərbaycan təyyarəsinin ruslar tərəfindən vurulduğunu göstərə bilər

Gövdədəki dəliklər Azərbaycan təyyarəsinin ruslar tərəfindən vurulduğunu göstərə bilər. Ulusum.az xəbər verir ki, bu barədə "The Times" nəşri yazıb.

Britaniya nəşri Kremlyönlü mediaya və müstəqil ekspertlərə istinadən yazır ki, Qazaxıstanda qəzaya uğrayan və 38 nəfərin ölümünə səbəb olan təyyarə Ukraynanın pilotsuz təyyarələrinin Qroznıya hücumlarını dəf etməyə çalışan Rusiya hava hücumundan müdafiə qüvvələrinin təsiri altına düşüb.

"Azərbaycan Hava Yolları"na məxsus təyyarənin gövdəsində qəlpə izlərinə bənzəyən deşiklər müşahidə edilir ki, bu da quşların vurması ilə bağlı ilkin rəsmi izahı şübhə altına alır. Ekspertin fikrincə, quşlarla toqquşma adətən sürətli enişlə nəticələnir, lakin təyyarə yüzlərlə mil aralıda qəzaya uğrayıb",- deyə materialda bildirilib.

Açıq məlumat tədqiqatçısı Oliver Alexander qəzaya uğrayan AZAL təyyarəsinin görüntülərini təhlil edərək şaquli stabilizatorun bir tərəfində giriş, digər tərəfində isə çıxış dəliklərinin olduğunu qeyd edib.



Eltun Məmmədov