Suriyalı üsyançılar Ukraynadan hərbi dəstək alıb

Suriyalı üsyançılar Ukraynadan hərbi dəstək alıb. Bu barədə The Washington Post yazıb.

WP-nin köşə yazarı David İqnatius Ukrayna hərbçilərinin xaricdəki fəaliyyəti ilə tanış olan mənbələrə görə, Ukraynanın islamçılara pilotsuz təyyarələr və onlar üçün mütəxəssislər verdiyini yazır.

“Ukrayna kəşfiyyatı 20-yə yaxın təcrübəli pilotsuz təyyarə operatoru və 150-yə yaxın pilotsuz uçan aparatı orada yerləşən “Həyat Təhrir əl-Şam” qrupuna kömək etmək üçün İdlibdəki üsyançı qərargahına göndərib" deyə müəllif yazır.

Eyni zamanda, onun fikrincə, “Qərb kəşfiyyatına görə, Kiyevdən gələn yardım Suriya prezidenti Bəşər Əsədin devrilməsində cüzi rol oynayıb”.

Müşahidəçi yazır ki, ABŞ hakimiyyəti rəsmi olaraq bunu təsdiqləməsə də, Ukraynanın iştirakından xəbərdar idi.

O xatırladır ki, Rusiya dövlət mediası əvvəllər Suriyadakı hərbçilərinə istinad edərək GUR nümayəndələrinin İdlibdə olması barədə yazmışdı.


Eltun Məmmədov