Rusiyada ATACMS raketinin 300 ədəd M74 sursatı aşkar edilərək zərərsizləşdirilib

Rusiya Fövqəladə Hallar Nazirliyinin pirotexnikləri 24 saat ərzində Kursk vilayətində Amerikaya məxsus ATACMS raketinin 300 ədəd M74 sursatını aşkar edərək zərərsizləşdiriblər.

Qeyd olunur ki, cəmi bir həftə ərzində istehkamçılar məhv edilmiş partlayıcı obyektlər - pilotsuz uçuş aparatlarının döyüş başlıqları, minalar və “düşmən dövlətinin istifadə etdiyi” digər silahlar da daxil olmaqla 11 sorğuya baxıblar.

Avqustun əvvəlindən Fövqəladə Hallar Nazirliyinin dəqiqləşdirdiyi kimi, rayonda 1480-dən çox partlayıcı obyekt zərərsizləşdirilib.

Eltun Məmmədov