Taliban hökuməti Əfqanıstanda televiziyadan istifadəni qadağan edib

Əfqanıstanda azadlıqları məhdudlaşdırmağa və sərt qanunlar tətbiq etməyə davam edən Taliban hökuməti yeni qərarında televiziya kanallarından öz proqramlarını yalnız audio formatda yayımlamağı tələb edib.

"Əl-Ərəbiyyə" xəbər agentliyi öz mənbələrinə istinadən bildirib ki, Əfqanıstan Milli Radio və Televiziyasının baş direktoru Qari Yusuf Əhmədi ötən həftə televiziya və radio şəbəkələrinin rəhbərləri ilə görüşündə deyib ki, Taliban lideri Molla Hebətullah Axundzadə "canlıları təsvir etdikləri üçün" televiziya kanallarının yayımını dayandırmaq üçün təzyiq göstərilməsini tələb edib.
Onun sözlərinə görə, bu sərəncam əsasında televiziya kanalları dayandırılaraq radiostansiyaya çevriləcək.
"Əl-Ərəbiyyə" Qəndəhar da daxil olmaqla 10 vilayətdə çərşənbə axşamından etibarən rəsmi televiziya yayımlarının dayandırıldığını və proqramların audio formatda yayımlandığını bildirib.

Eltun Məmmədov