İran “Motorola” telefonlarının idxalına və satışına qadağa qoyub

Livanda peycer partlayışlarından sonra İran “Motorola” telefonlarının idxalına və satışına qadağa qoyub.

Texnologiya və elm sahəsində ən son xəbərləri paylaşan “Digiato” Teleqram kanalının yazdığına görə, İranda “Motorola” telefonlarının idxalı və tədarükü qadağan olunub və bu markanın telefonlarını qeydiyyatdan keçirmək mümkün deyil.

Məlumata görə, İranın sənaye nazirinin keçmiş müavini Məhəmməd Mehdi Bəradəran vəzifəsindən getməzdən bir müddət öncə ölkədə “Motorola” markalı telefonların satışının dayandırılacağını açıqlayıb.

Qeyd olunub ki, Livanda Hizbullah qüvvələrinə məxsus peycerlərin kütləvi şəkildə partlamasından sonra İran parlamentinin nümayəndələri də şirkətin məhsullarına qadağa qoyulmasını tələb ediblər.


Eltun Məmmədov