ABŞ SEPAH-a bağlı iranlı haker qrupu haqqında məlumat üçün mükafat təyin edib

ABŞ Dövlət Departamenti dünən “Ədalət üçün Mükafat” proqramı çərçivəsində SEPAH-a bağlı haker qrupunun üzvlərinin adlarını və görüntülərini yayıb və onlar haqqında məlumat qarşılığında pul mükafatı təyin edib.

Məlumata görə, “Şəhid Hemmət” adlı haker qrupunun Məhəmməd Hüseyn Muradi, Əmir Hüseyn Hüseyni, Mənuçehr Əkbəri və Məhəmmədrza Rəfətinejad haqqında məlumat verənə 10 milyon dollar pul veriləcək.

Bildirilib ki, iranlı haker qrupunun üzvləri ABŞ-nin mühüm infrastrukturuna qarşı kiber və kəşfiyyat əməliyyatlarında iştirak ediblər.


Eltun Məmmədov