İran ABŞ və İsrailə qarşı ölkələrin iştirakı ilə “təhlükəsizlik sazişi” yaratmağı planlaşdırır

İran ABŞ və İsrailə qarşı ölkələrin iştirakı ilə “təhlükəsizlik sazişi” yaratmağı planlaşdırır

İran parlamenti “Müqavimət oxu” və onları dəstəkləyən ölkələr üçün təhlükəsizlik sazişinin bağlanması” layihəsini nəzərdən keçirir. Bildirilib ki, saziş “xarici təhdidlərlə mübarizə aparmaq və böhran zamanı bir-birinə dəstək olmaq üçün” ümumi müdafiə strukturunun yaradılmasını ifadə edir.

Sazişə əsasən, “Müqavimət paktı”ında iştirak edən ölkələr və İrana bağlı hərəkatlar İsrail və ya ABŞ-ın öz ərazilərinə hücum edəcəyi təqdirdə hər birinə hərtərəfli iqtisadi, hərbi və siyasi dəstək verməyə borclu olacaqlar.

Qeyd olunub ki, layihə əsasında sazişin iştirakçıları arasında qərarların və gələcək hərbi əməliyyatların əlaqələndirilməsi üçün birgə qərargah yaradılacaq. Əsas aspektlərdən biri də “əməliyyatın effektivliyini və koordinasiyasını artırmaq üçün” birgə hərbi təlimlərin keçirilməsidir.

Eltun Məmmədov