İran İsrailin hücumları ehtimalında ləğv etdiyi uçuşları yenidən bərpa edib

İran İsrailin hücumları ehtimalında ləğv etdiyi uçuşları yenidən bərpa edib.

İRNA xəbər verir ki, dünən İranda ləğv edilən sərnişin uçuşları saat 23:00-dan sonra yenidən bərpa olunub.

İran Mülki Aviasiya Təşkilatının sözçüsü Cəfər Yazərlu bildirib ki, məsələ ilə bağlı aviaşirkətlərə məlumat verilib və uçuşlar gecə saatlarından etibarən uçuş cədvəlinə uyğun həyata keçiriləcək.

Qeyd edək ki, Mülki Aviasiya Təşkilatı ötən gün saat 21:00-dan oktyabrın 7-si saat 06:00-a kimi təhlükəsizlik vəziyyətinə görə uçuşların ləğv edildiyini açıqlayıb.

Eltun Məmmədov