İran-Əfqanıstan sərhədində 10 km-dən çox divar çəkilib

Bu gün İran Ordusunun Quru Qoşunlarının komandanının müavini Nozər Neməti deyib ki, İran-Əfqanıstan sərhədində 10 km-dən çox divar tikilib.

Onun sözlərinə görə, iki ölkə sərhədinin 50 km-lik hissəsinə də divarın çəkilməsi prosesi hazırdır. Neməti bildirib ki, sərhəd boyu 20-yə yaxın emalatxana infrastruktur və divarın çəkilməsi işlərini aparır.

“Əfqanıstanla sərhədi tikmək missiyası İran ordusunun Quru Qoşunlarına tapşırılıb. Sərhədlərin çəkilməsi təhlükəsizliyi artıracaq və qaçaqmalçılığın qarşısını alacaq. Eyni zamanda, ölkənin iqtisadi inkişafına töhfə verəcək”, - deyə, ordunun rəsmisi əlavə edib. (İSNA)

Eltun Məmmədov