İran hökumət mollası: “Daha heç bir elektron cihaza etibar yoxdur”

İran hökumət mollası: “Daha heç bir elektron cihaza etibar yoxdur”

Livanda Hizbullah üzvlərinə məxsus peycerlərin partlamasından sonra qorxuya düşən Xameneyinin Ərdəbil əyalətindəki nümayəndəsi və Ərdəbil şəhərinin cümə imamı Həsən Amoli bununla bağlı iddia edib ki, “sionist”lər bu addımları ilə tarixin bütün cinayətkarlarının üzünü ağ ediblər.

Onun sözlərinə görə, peycer, simsiz rabitə cihazları, telefon kimi vasitələrdən istifadə artıq təhlükəlidir.

“Livanda baş verənlər göstərdi ki, bundan sonra elmi və texnoloji tərəqqi müharibələrdə birinci və əsas rol oynayacaq, bölgə tədricən ənənəvi silahlardan uzaqlaşaraq, süni intellekt, kiberhücumlar və xüsusi elektron sistemlər kimi yeni silahlara doğru irəliləyəcək. Gələcəkdə düşmən telefonlara sızaraq zərbə vura bilər. Əgər bu hücum “İphone” telefonları vasitəsilə edilsəydi, düşünün ki, nə qədər insan həlak olardı. Bundan sonra heç bir elektron cihaza etibar yoxdur”, - deyə, Amoli qeyd edib.

Eltun Məmmədov