İran və Rusiya dəniz patrulları sahəsində əməkdaşlığın inkişafını müzakirə edib

Dünən İran ordusunun baş komandanının koordinasiya üzrə müavini və ordunun Baş Qərargah rəisi admiral Heybətullah Səyyari Pekində keçirilən 11-ci Təhlükəsizlik Forumu çərçivəsində Rusiyanın müdafiə nazirinin müavini general-polkovnik Aleksandr Fominlə görüşüb.

Məlumata görə, iki ölkə arasında birgə dəniz patrulları (şimal və cənubda) və ixtisaslaşmış təlimlər sahəsində əməkdaşlığın inkişafı müzakirə olunub. Eyni zamanda, hər iki tərəf professor-müəllim və tələbə mübadiləsi də daxil olmaqla, təhsil məsələlərində qarşılıqlı əlaqələrin təşviq edilməsindən söz açıblar.

Bildirilib ki, görüşdə Aleksandr Fomin Xəzərin sülh və dostluq dənizi olduğunu bildirərək, Xəzəryanı ölkələrin əcnəbilərin olmasına ehtiyac olmadan kollektiv təhlükəsizliyinin təmin edilməsində iştirak etmək səylərinin zəruriliyini vurğulayıb.

Eltun Məmmədov